فى لقاء خاص وحصرى بين برغوت وتوفيق عكاشة كان لنا هذا الحوار
برغوت : أهلا بيك يا فندم ونورت المدونة وسعيد جدا بوجودى معاك
عكاشة : لا يا شيخ ... بذمتك فرحان ؟
أمال مش باين عليك ليه
مالك قافش أوى كده ؟!!! ما تفرد بوزك يا خويا
برغوت : أبدا يا فندم بس هو جو الصحافة بقى والتنشنة انت عارف
عكاشة : تنشنة ايه وصحافة ايه وعارف ايه ... انت عارف حاجة خالص وبعدين هو انت نسيت انى واخد الدكطوراه بتاعتى من أمريكه فى ادارة المؤسسات الاعلامية ... ما تتلعلموا اعلام بقى ... بلاش قرف
برغوت : ايه رأيك فى اللى بيحصل دلوقتى فى مصر ... من اعتصامات ومظاهرات واشتباكات مع الجيش ؟!!
عكاشة : انت كده عايز تجرجرنى للغلط ... شوف يا حبيبى المؤامرات دى متمشيش معايا ... مفيش ولا عسكرى وااااااحد
ضرب طلقة على متظاهر .... ولا سحل بنت من بنات الشعب المصرى ... هاتولى واحد بس عمل كده ؟
برغوت : طيب والفيديو يا دكتور
عكاشة : انهون ؟!!
برغوت : بتاع البنت اللى اتسحلت واتعرت ؟
عكاشة : وهو انت فاكر البت دى مصرية ؟ لا يا خويا فوق
فوق وصحص ؟ هى البت دى لو مصرية كانت نزلت من بيتها عشان تشتم فى الجيش ؟!! هأو ... لا يا حبيبى انت تصحى ... اصحى عشان تنام !!
برغوت : طيب وانت شايف ايه الحل فى الموقف اللى احنا فيه ؟
عكاشة : حلو
بطل انت أسئلة بقى ... وأنا هحلهالك
أول حاجة البنات اللى فى الشارع دى كلها لازم تتجوز
لا وايه ... مش أى واحد ؟!!!
أنا عندى لهم واحد
قد كده
وحش هم يشفوه بس وهينسوا ميدان التحرير
وعشان كده أنا اخترت رمز الصاروخ
هيعملهم غسيل كـ *
قصدى مخ
ونرمى سويرس والشنكحاوى الزعبلاوى فى السجن
وجهز بقى لانتخابات الرئاسة
بس لازم الاول تحط شروط للرئاسة
بس
برغوت
ليست هناك تعليقات:
إرسال تعليق